I dogji flokët nuses në ditën e dasmës: Plas sherri në sallonin e bukurisë në Elbasan

I dogji flokët nuses në ditën e dasmës: Plas sherri në sallonin e bukurisë në Elbasan

I dogji flokët nuses në ditën e dasmës: Plas sherri në sallonin e bukurisë në Elbasan

Ajo që supozohej të ishte dita më e bukur e jetës është shndërruar në një dramë të vërtetë për një nuse nga Elbasani, e cila përfundoi duke dalë me flokë të djegur nga salloni i bukurisë ku po përgatitej për dasmën.
Ngjarjen e ka rrëfyer për portalin ‘Info Elbasani’ një dëshmitare, e cila ka qenë në sallon ndërkohë që ka ndodhur ngjarja.
‘Përshëndetje Infoelbasani. Jam një vajzë nga qyteti ynë. Kisha shkuar në parukeri për t’u rregulluar për një festë familjare. Parkujerja kishte shumë punë. Po rregullonte dy nuse njëherësh ndërsa unë bashkë me disa të tjera po prisnim radhën. Në një moment nga koka e njërës prej nuseve po dilte tym. Dhamë alarmin dhe parukierja ndërhyri menjëherë. Nusja që po rregullohej nisi të ulurasë: ‘Ç’më bëre. Më dogje flokët. Më prishe ditën më të bukur të jetës!’. Ndërsa parukjerja përpiqej ta qetësonte. Në parukeri u përhap era e leshit të djegur. Pamë që flokët e nuses ishin djegur. Më pas parukjerja u përpoq që ta rregullojë por qederi ishte bërë. Ajo ia ngriti flokët nuses që me pjesët e brendshme të mbulonte të djegurat. Grindja mes nuses dhe parukieres ka vazhduar për disa minuta. Nusja doli duke qarë.’- rrëfeu qytetarja.