Gjesti i rëndë i ish-deputetit shqiptar: Përul myslimanët para kryqit të Skënderbeut!

Gjesti i rëndë i ish-deputetit shqiptar: Përul myslimanët para kryqit të Skënderbeut!

Gjesti i rëndë i ish-deputetit shqiptar: Përul myslimanët para kryqit të Skënderbeut!

Ajo që shihet si nga virtytet e rralla të popullit shqiptar, është toleranca fetare, e cila ka tërhequr vëmendjen e të gjithëve, me gjeste po kaq të rralla publike, siç ishte parakalimi i përbashkët i përfaqësuesve të besimeve të ndryshme, krishterë, myslimanë e bektashinj në Paris në masakrën e “Charlie Hebdo’s” dy vite më parë.

Por një gjest aspak i këndshëm, që kalon në fyerje të besimit të kundërt, është bërë nga ish-deputeti shqiptar Eduard Ndocaj. I gjendur në debatin që shpërtheu në festën e myslimanëve, Kurban Bajramin të kremtuar dje, Ndocaj ka abuzuar duke i bërë montazh fotos së faljes së besimtarëve myslimanë në sheshin “Skënderbej” para bustit të heroit kombëtar, për të cilin u kritikuan së tepërmi se e kishin “mbuluar” duke vendosur një ekran të madh para tij. Ish-deputeti, ka modifikuar shpatën e Skënderbeut, duke e bërë kryq, e duke shkruar në rrjetin social Instagram, se Skënderbeu bekoi shpirtrat e përulur para tij dhe i tregoi rrugën e të parëve, atë të krishtërimit.

“Gjergji bekoi ne shesh popullin e ti ne emër te zotit Jezukrisht AMEN . Gjergji i madhërishëm dhe fuqiplote, atleti i Jezu Krishtit. Bekoi te gjithë shpirtrat e përulur para tij, mbreti i shqiptareve dhe mbrojtësi i njerëzimit nga djalli sulltan me hordhitë e tij. Ai ju tregoi rrugën e gjere ku kishin humbur, rrugën e te pareve te tyre me origjine te krishtere, rrugën e Zotit. I bekoi edhe me ujin e bashkisë se Veliajt. I pa harruar është mbreti i shqiptareve Gjergj Kastrioti! Shkoni ne paqe bijtë e mi”, shkruan Ndocaj në Instagram.

Gjesti i rëndë i ish-deputetit shqiptar: Përul myslimanët para kryqit të Skënderbeut!

Një koment mjaft i rëndë nga ana e një politikani, ndërkohë që populli shqiptar ka mjaft tolerancë ndaj besimeve të ndryshme. Sipas ish-deputetit, shqiptarët kurrsesi nuk mund të jenë myslimanë, pasi sic mundohet të shpjegojë ai, kjo fe është e imponuar nga turqit, dhe origjina e besimit të shqiptarëve, është e krishterë.

Në replikë të komentit të një gazetari që e quan këtë gjest të ekzagjeruar, Ndocaj përgjigjet:

E vërteta eshtë e dhimbshme gjithmonë po jemi një fe e një komb. S’jemi as turq, as arab jemi shqiptare, arjan te pastër dhe te krishterë. Po gjithkush zgjedh te besoje kudon vet. Pa cenuar bene tjetrit, herojt e kombit tonë dhe pa u tallur me to. Ajo qe ka ndodhur dje ndaj figurës se heroit te krishterimit dhe kombit shqiptare është tradhti.