Bota

Sondazhi, Egjipti më i sigurt se SHBA-ja dhe Mbretëria e Bashkuar

Egjipti, në një anketë globale u rendit si vendi më i sigurt në Afrikë dhe madje më lart se Shtetet e Bashkuara dhe Mbretëria e Bashkuar. Qendra “Gallup” i ka pyetur njerëzit nëse ndjehen të sigurt të ecin natën rrugës dhe nëse kanë qenë viktima të krimit. Anketa e radhit Egjiptin të 16-tin në mesin e 135 vendeve, ndërsa Mbretëria e Bashkuar ndodhet në pozitën numër 21 dhe SHBA-ja në 35. Singapori radhitet si më i sigurti, ndërsa Venezuela është në fund të listës. Presidenti i Egjiptit, Abdul Fattah al-Sisi, e udhëheq këtë vend që nga viti 2013. Qeveria e tij vazhdon të luftojë militantët e Shtetit Islamik në disa rajone. 13 qershor 2018 (gazeta-Shqip.com)

Read More »

Dorëhiqet kryeministri i Gjeorgjisë

Kryeministri i Gjeorgjisë, Giorgi Kvirikashvili dha dorëheqjen pas një vale protestash antiqeveritare, që kanë tronditur kryeqytetin Tbilisi. Kvirikashvili njoftoi për vendimin e tij, duke përmendur mosmarrëveshjet me udhëheqësin e partisë në pushtet, Bidzina Ivanishvili. “Mendoj se është momenti kur një lideri të partisë duhet t’i jepet mundësia për të formuar kabinetin e ri”, tha Kvirikashvili. Me vendimin e tij për dorëheqje shpërbëhet i gjithë kabineti. Vala e protestave në Tbilisi ka nisur më 31 maj kundër një gabimi të drejtësisë pas vrasjes së dy adoleshentëve në dhjetor. 13 qershor 2018 (gazeta-Shqip.com)

Read More »

Trump: Koreja e Veriut, jo më një kërcënim bërthamor

Presidenti i Shteteve të Bashkuara, Donald Trump tha se Pheniani nuk përbën më kërcënim bërthamor për botën. Trump i bëri këto komente një ditë pas takimit me udhëheqësin Kim Jong Un, në Singapor. “Sapo aterova. Një rrugë e gjatë, por secili tani mund të ndjehet më i sigurt sesa në ditën kur kam marrë detyrën. Nuk ka më kërcënim bërthamor nga Koreja e Veriut. Takimi me Kim Jong Un ka qenë një përvojë interesante dhe shumë pozitive. Koreja e Veriut ka potencial të madh për të ardhmen”, shkroi Trump në “Twitter”. Trump dhe Kim nënshkruan një deklaratë të përbashkët, në të cilën Kim u zotua se do të punojë drejt denuklearizimit të plotë të Gadishullit Korean. Megjithatë, nuk u caktua asnjë afat apo angazhim konkret për Phenianin që të çarmatosë arsenalin e tij bërthamor. 13 qershor 2018 (gazeta-Shqip.com)

Read More »

Kaosi me emigrantët, Salvini: BE të flasë tani ose të heshtë përgjithmonë!

Anija “Aquarius” me 629 refugjatë libianë, e bllokuar në det të hapur nga një vendim për të mos pranuar emigrantë në portet e tyre nga Italia dhe Malta, i është drejtuar tashmë Valencias, portin e së cilës e arrin në fundjavë, por në BE ajo është kthyer në fenomen që ka bërë të “shpërthejë” sërish debati. Franca dhe Italia janë futur në një lojë të ashpër deklaratash mes tyre, ku Macron e ka etiketuar fqinjin juglindor si “cinik” dhe të papërgjegjshëm”, por përgjigja për BE-në ka ardhur nga ministri i Brendshëm, Matteo Salvini. “Nëse Evropa dëgjon, të flas një herë tani ose përgjithmonë të heshtë. Ne nuk mund t’i akomodojmë të gjithë”, ishte mesazhi i fortë i Salvinit për BE, e cila nëpërmjet kancelares gjermane Merkel dhe Antonio Tajanit ka shprehur mbrëmjen e kaluar shqetësimin se një krizë mund të shpërthejë. “Është një vëmendje që nuk ka qenë kurrë më parë, është një mundësi për të luajtur kartat mirë”, u shpreh më tej Salvini, për të lënë të kuptohet se Italia është investuar n..

Read More »

Pas takimit Trump-Kim, bisedime me SHBA kërkon dhe kreu i talebanëve afganë

Udhëheqësi i talebanëve të Afganistanit Hibatullah Akhundzada, ripërsëriti të martën thirrjen e tij për bisedime të drejtpërdrejta me Shtetet e Bashkuara, për t’i dhënë fund luftës. Në një mesazh urimi me rastin e festimeve që shënuan fundin e muajit të agjërimit, kreu i talebanëve e justifikoi sërish fushatën ushtarake të grupit të tij, duke përmendur praninë e “forcave të huaja pushtetuese” në vend, të udhëhequra nga SHBA. “Nëse zyrtarët amerikanë me të vërtetë besojnë në një zgjidhje paqësore të situatës së ndërlikuar në Afganistan, atëherë ata duhet të paraqiten drejtpërdrejt në tryezën e negociatave, kështu që kjo tragjedi, efektet shkatërruese të së cilës dëmtojnë kryesisht popullin amerikan dhe afgan, të mund të zgjidhet përmes bisedimeve”, thuhej në një deklaratë të Hibatullah Akhundzadas, dërguar gazetarëve. Shtetet e Bashkuara i kanë kundërshtuar tashmë thirrjet talebane për negociata të drejtpërdrejta dhe i ka bërë thirrje kryengritësve të bisedojnë me qeverinë afgane. “..

Read More »

Rusia, organizatorja më e dobët e një Botërori e të gjitha kohërave?

Me ndeshjen e parë Rusi-Arabi Saudite jepet sinjali për fillimin e Kampionatit Botëror të Futbollit. Shpresat e tifozëve dhe të kryetarit të shtetit, Putin janë të mëdha. Ekziston rreziku që ata të zhgënjehen shumë. Qëllimi është i qartë. “Ne duhet të jemi organizatorë të fortë të kampionatit”, deklaroi para pak ditësh Stanislaw Tschertschessow, trajneri i kombëtares ruse. “Ne mund të ndeshemi me Gjermaninë vetëm në gjysmëfinale ose finale. Nëse mbërrijmë deri aty unë do të jem njeriu më i lumtur në botë.” Kuptohet, sidoqoftë duhet shumë fantazi që të imagjinosh ekipin rus të Kampionatit Botëror të mbërrijë deri në fazën përfundimtare. Shumë më tepër mund të ndodhë që raundet e para që do jenë me Arabinë Saudite, Egjiptin dhe Uruguajin të kthehen në provë zjarri. Duke pasur parasysh performancat e treguara së fundi janë shtuar zërat që thonë se ekipi mund të quhet ekipi mikpritës më i dobët i gjithë kohërave. Sa e madhe është distanca deri tek kampionët e botës, ekipi do e shohë në n..

Read More »

De Niro: Do i gjuaja me grusht, Trump: Zgjohu i dehur!

Presidenti i SHBA-ve, Donald Trump ka sulmuar aktorin e Hollivudit Robert De Niro pasi ylli i kinematografisë e ka akuzuar atë me një fjalim të mbushur me këmbëngulje në një ceremoni çmimesh. De Niro, i cili më parë ka thënë se do të donte të grushtonte presidentin, mori ovacione të forta për sulmin e tij të dytë me fjalë ndaj Trumo në Tony Awards. Por në një postim, Trump e përshkroi aktorin si “një individ shumë të ulët”. “Unë e pashë atë … dhe me të vërtetë besoj se ai mund të jetë i dehur”, tha Trump. Aktori De Niro, fitues i çmimit Oscar ka luajtur në disa filma boksi, duke përfshirë Raging Bull, dhe shpërthimet e tij me thirrje për grusht ndaj Trump janë ndjekur nga miliona shikues televiziv dhe kanë marrë një mbështetje të madhe me reagime në rrjetet sociale. Aktori ka qenë prej kohësh një kritik i zëshëm i presidentit. Ai lëshoi ​​një video gjatë fushatës zgjedhore të vitit 2016, në të cilën e quajti Trump “një idiot” dhe një “katastrofë kombëtare”. Ai tha se do të shkonte ..

Read More »

Lufta Arabi Saudite-Iran zbret në Jemen, fillojnë sulmet në portin Hudejde

Forcat qeveritare me mbështetjen e Arabisë Saudite kanë filluar një sulm ndaj portit kryesor të Jemenit në Hudajdahut, i cili mbahet nga rebelët. Porti është pika kryesore e hyrjes së ndihmave për njerëzit në zonat e mbajtura nga rebelët dhe agjencitë kanë paralajmëruar një katastrofë humanitare nëse sulmohet. Rreth tetë milionë njerëz në vendin e shkatërruar nga lufta janë në rrezik nga uria. Bombardimet filluan pasi rebelët Houthi të mbështetur nga Irani injoruan një afat të caktuar nga qeveria për t’u tërhequr deri në mesnatë. Të martën, qeveria në mërgim e presidentit Abdrabbuh Mansour Hadi tha se përpjekjet për të bindur rebelët për t’u tërhequr kishin shteruar. Rrjeti Al Arabia në pronësi të Arabisë njoftoi të mërkurën se “çlirimi” i Hudajdah kishte filluar me një sulm të madh në terren të mbështetur nga ajri dhe deti nga një koalicion shumëkombësh i udhëhequr nga Arabia Saudite. Avionët dhe anijet luftarake të koalicionit kryen sulme kundër pozicioneve rebele rreth qytetit. “..

Read More »

Emigrantët “tmerrojnë’” BE-në, Merkel: Reagojmë bashkë ose shpërthen kriza!

“Për emigracionin e paligjshëm duhet të reagojmë në mënyrë të unifikuar. Kjo temë ka potencialin për të dëmtuar Evropën”. Kështu është shprehur kancelarja gjermane Angela Merkel nga Berlini për çështjen më të nxehtë të momentit, e cila duket se ka shpëthyer pas vendimit të Italisë me qeverinë populiste në krye për të bllokuar anijen “Aquarius” me 629 emigrantë në bord në ujërat e Mesdheut. Fjalët e Merkel erdhën pas një takimi me homologun e saj austriak, Sebastian Kurz, i cili është një nga kritikët e pranimit të refugjatëve dhe ka ashpërsuar masat për azilantët me një vendim të fundit të qeverisë së tij. Sipas Merkel, është e rëndësishme të luftohet “emigracioni i paligjshëm dhe të mbrohen kufijtë e jashtëm”. Ndërkohë Komisioneri Evropian për Imigracionin, Dimitris Avramopulos ka thënë se “migrimi rrezikon projektin evropian dhe shtetet duhet të marrin përgjegjësi”. “Të bien dakord mbi rishikimin e rregullores së Dublinit. Ne nuk duhet të lejojmë që migrimi të jetë një element n..

Read More »

Paris, lirohen 3 pengjet dhe arrestohet agresori

Pas disa orësh është mbyllur pa jetë të humbura rasti i pengmarrjes në Paris. Forcat speciale kanë ndërhyrë me metoda të avancuara për të vendosur në pranga burrin, i cili mori peng tre qytetarë. Rrëmbyesi u arrestua, ndërsa pengjet janë të gjithë të sigurt dhe shëndoshë e mirë. Pengmarrja dhe aksioni i policisë për shëptimin e jetëve u konfirmua gjithashtu nga Ministri i Brendshëm francez, Gerard Collomb. “Pengmarrësi është ndaluar dhe pengjet janë jashtë rrezikut. Unë e mirëpres profesionalizmin dhe reagimin e policisë dhe forcave speciale në veçanti, mbështetja e të cilëve ishte vendimtare”, shkroi Collomb në Twitter. I arrestuari është përshkruar nga autoritetet si “i paqëndrueshëm” dhe kishte pasur në posedim një armë dhe eksplozivë. Nuk ka detaje mbi moshën, pamjen apo kombësinë e tij. “Negociatori kishte vështirësi për të kuptuar. Kërkesat e tij ishin vërtet të paqarta dhe jokoherente”, tha një zyrtar i ministrisë së Brendshme. 12 qershor 2018 (gazeta-Shqip.com)

Read More »