Kurioz

Nuk pranon të mbulohet me shami, indiania tërhiqet nga turneu i shahut

Kampionia indiane e shahut, Soumya Swaminathan u tërhoq nga një turne në Iran për shkak të ligjit për mbulim të detyrueshëm të kokës në këtë vend. Swaminathan tha se ky rregull është shkelje e të drejtave të saj personale. “Në rrethanat aktuale, mënyra e vetme për mua që të mbroj të drejtat e mia personale është të mos shkoj në Iran”, tha ajo në një postim në Facebook. Kampionati i Shahut do të nisë muajin e ardhshëm në Iran. “Me publikimin e datave dhe vendit të ri, unë u tërhoqa. Nuk ka vend për një kod të zbatueshëm të veshjes fetare në sport”, deklaroi ajo. 13 qershor 2018 (gazeta-Shqip.com)

Read More »

Me SIDA, kreu marrëdhënie me 228 femra …arrestohet

Një burrë,i cili është i prekur nga virusi HIV prej 11 vitesh, pavarësisht se ishte i vetëdijshëm për sëmundjen, vazhdoi të kryente marrëdhënie seksuale me disa partnere pa marrë ndonjë masë mbrojtëse. Për këtë arsye, në fund të një hetimi të koordinuar nga Prokurori Publik i Ankonës, policia e arrestoi burrin në rajonin e Marche. 36-vjeçari tani është në burg. Viktimat e mundshme të infektimit mund të jenë 228 vajza e gra, shumë prej tyre të njohura nga rrjetet sociale. 13 qershor 2018 (gazeta-Shqip.com)

Read More »

Po bënte selfie, plumb kokës politikanit (Video)

Ekzekutimi i politikanëve është kthyer në “trend” në Meksikë, në kulmin e fushatës zgjedhore në këtë vend. Viktima e fundit është një politikan aktiv në çmontimin e krimit të organizuar. Fernando Purón, ish-kryebashkiaku i Piedras Negras, kishte marrë pjesë në një debat në Kongres të premten, kur u vra. Vrasja tronditëse e Purón është filmuar nga kamerat e sigurisë të një objekti dhe tregon një burrë me mjekër të veshur me një kapelë që i shkon nga pas 43-vjeçarit dhe e qëllon me pistoletë në pjesën e pasme të kokës, kur ai po shkrepte një selfie. Purón vdiq gjatë rrugës së tij për në spital. Kandidati politik kishte qenë i njohur për luftën e tij kundër kartelit famëkeq të drogës Los Zetas. 13 qershor 2018 (gazeta-Shqip.com)

Read More »

Kapet peshku me kokë zogu (Video)

Një peshk i çuditshëm ka rënë në grep në Kinë. Peshku është bërë “i famshëm” në internet për shkak të kokës së tij të pazakontë me formën e ‘zogut’. Disa thonë se koka e peshkut duket si një kokë pëllumbash ose papagalli, ndërsa të tjerë argumentuan se ishte më shumë e ngjashme me atë të një delfini. Një ekspert lokal i peshkimit tha se krijesa e çuditshme është një karp i deformuar. Krijesa është quajtur “peshku-zog” nga përdoruesit e uebit. 13 qershor 2018 (gazeta-Shqip.com)

Read More »

Varros babain brenda BMW-s 66 mijë dollarëshe

Një djalë nigerian e ka varrosur babanë e tij, duke e futur trupin e të ndjerit brenda një BMW-je, në vend të një arkivoli. Djali i pasur, i identifikuar vetëm si Azubuike, humbi babanë e tij, por sipas mediave lokale gjithmonë i kishte premtuar atij një ditë se do të kishte një makinë luksoze. E teksa i ati vdiq në fshatin e largët Ihiala, Azubuike bleu një BMË 66 mijë dollarë për të varrosur të atin. Një foto e pabesueshme e shkrepur gjatë funeralit tregon se makina luksoze u fut brenda një varri gjashtë metra të thellë të hapur me dorë në fshat. Fotoja është bërë virale në mediat sociale. Sipas NAIJ.com, djali vendosi ta nderonte babanë duke blerë një makinë luksoze për udhëtimin e tij të fundit dhe e vendosi trupin brenda. Vendasit thanë se BMW është e pajisur me Sat Nav për ta ndihmuar të ndjerin të gjejë rrugën e tij drejt portës së xhehennemit. 12 qershor 2018 (gazeta-Shqip.com)

Read More »

Trump e Kim ‘shqyen’ sytë, ja ushqimi i menusë diplomatike (Foto)

Donald Trump dhe Kim Jong-un shkruan sot historinë, teksa në ishullin e blinduar të Sentosa-s në Singapor rrëmbyen gjithë vëmendjen e botës me takimin që pritet të hapë një kapitull të ri në marrëdhëniet mes dy vendeve. Por përveç shtrëngimit të duarve, dëshirës së Tru,mp për një foto ku të dukej i dobët e simpatik dhe mimikës së fytyrës së dy liderërve, interesit mediatik nuk i shpëtoi as menuja e drekës së tyre. Ushqimi që u servir për dy liderët botërorë ishte i bollshëm me një menu të komplikuar. Kishte pjata koreane që Presidenti Trump ka të ngjarë të mos i kishte njohur kurrë, por edhe koreanët ‘shqyen’ sytë kur panë disa prej ushqimeve të servirura. Më poshtë ju njohim me menunë diplomatike. PJATA E PARË: 1-Koktej karkaleca deti tradicionale, shërbyer me salcë avokado 2-Kerabu, një lloj sallate që përgatitet zakonisht me lëng limoni, sheqer dhe oktapod të freskët. 3-S’kanë munguar as ushqimet tradicionale koreane: Oiseon: kastravec korean i mbushur PJATAT KRYESORE PËRFSH..

Read More »

Lulzim Basha feston ditëlindjen, ja surpriza e grupit të PD (Foto)

Dy kampet kryesore të politikës shqiptare, Partia Socialiste në qeveri dhe Partia Demokratike në opozitë këtë të martë 12 qershori e kanë pasur ditë feste. Të majtët janë mbledhur nga kryeministri Edi Rama në Durrës për të festuar 27 vjetorin e PS, ndërsa të djathtët modestish kanë festuar në selinë blu ditëlindjen e 44-t të kryetarit të PD-së, Lulzim Basha. 1 of 3 Pavarësisht se Basha është paraqitur në zyrë si në çdo ditë të zakonshme pune për të vijuar punën për forcimin e aksionit opozitar përballë Ramës, deputetët e grupit parlamentar si Albana Vokshi dhe Luçiano Boçi janë kujdesur për t’i bërë një surprizë të këndshme. Deputetët e PD janë kujdesur që kryetari Basha t’i shuajë qirinjtë për 44 vjetorin e lindjes, mbi një tortë me simbolet e forcës politike që përfaqëson. Mësohet se Basha ka marrë edhe dhurata nga të vetët, ku bje në sy një stilograf nga ish-kryeministri Sali Berisha. 12 qershor 2018 (gazeta-Shqip.com)

Read More »

Indi, vriten barbarisht pas thashethemeve në Whatsapp

Për “fake news” mund edhe të vdesësh. Në Indi, dy burra, Nilotpal Das e Abijeet Nath, janë sulmuar dhe vrarë nga 16 persona në një fshat, ku kishin ndaluar për të kërkuar informacione. Rreth tyre, papritur u shkaktua një histeri në masë, që rezultoi fatale. Arsyeja e këtij zemërimi ka qenë denoncimi i grabitjes së fëmijëve, që qarkullonte prej muajsh në Whatsapp. Të dy janë cilësuar si përgjegjës për këto “akte” dhe për këtë gjë janë rrahur dhe dhunuar gjer në vdekje. Janë gjashtë viktimat e fundit, të vrarë në Indi për shkak të këtyre thashethemeve. Policia nuk ka arritur të mësojë se nga cilët janë nisur këto mesazhe “fake”. “Kur thashethemet fillojnë të qarkullojnë në mediat sociale, duhet kohë për t’i ndaluar plotësisht”, tha zyrtari i lartë i policisë Mukesh Agarwal për BBC, duke shtuar se policia po vëzhgonte faqet e ndryshme të mediave sociale për të ndalur përhapjen e mesazheve. Dy viktimat e fundit janë identifikuar si Nilotpal Das, një inxhinier audio dhe Abijeet Nath, art..

Read More »

Breshka 45-vjeçare bie në rrjetat e peshkatarëve

Breshka e llojit Kareta-Kareta me një peshë prej 40 kg ka rënë mëngjesin e sotëm në rrjetat e peshkatarëve të Orikumit. Peshkatari Sherif Durmishi shprehet se kjo breshkë është rreth 40-vjeçare dhe është e llojit Kareta-Kareta. Sipas tij, breshka nuk ka asnjë shenjë dëmtimi dhe është me shëndet të plotë. Priten që të vijnë specialistët e zonave të mbrojtura që ta matrikullojnë dhe më pas ta lëshojnë në det. Sipas tij, afrimi i këtyre specieve ka ndikuar edhe nga moratorium, por dhe ngrohja e ujërave. Kohët e fundit, bën me dije peshkatari Durmishi janë shtuar rastet kur në rrjetat e peshkatarëve bien gjallesa të rralla, ku kjo ka ardhur si pasojë e moratoriumit, por edhe ngrohjes globale. “Është e vërtetë”, shprehet Durmishi “se ka disa persona të papërgjegjshëm që gjuajnë me dinamit, por ne si peshkatarë kemi filluar të monitorojmë çdo person duke lajmëruar organet kompetente”. 11 qershor 2018 (gazeta-Shqip.com)

Read More »

Në kalçeto, Lulzim Bashën s’e kishit parë kurrë kështu (Foto)

Xhaketa dhe këmisha herë me dhe herë pa kravatë e shoqërojnë përherë kreun e Partisë Demokratike Lulzim Basha gjatë aksionit të tij opozitar, por edhe në fotot që ai ka me familjarët, por asnjëherë nuk e kishim parë kaq sportiv sa është shfaqur në finalen kampionatin e futbollit të FRPD. Basha i shoqëruar nga kreu i FRPD, Belind Këlliçi, deputeti Klevis Balliu dhe kryebashkiaku i Kamzës, Xhelal Mziu ka ndjekur nga afër mbrëmjen e djeshme këtë aktivitet sportiv të FRPD. 1 of 10 “Mbrëmjen e djeshme duke ndjekur bashkë me djemtë dhe vajzat e Tiranës, finalen e kampionatit të futbollit të familjes më të madhe rinore, FRPD”, shkruan Basha në Facebook. Në fotot që shoqërojnë postimin, lideri i opozitës shihet i veshur sportiv dhe në kokë si rrallë herë mban një kapele. 11 qershor 2018 (gazeta-Shqip.com)

Read More »